नेकपा (एमाले)ले ११ औं महाधिवेशनपछि पहिलो पटक पार्टी सचिवालयको बैठक बोलाएको छ। बैठक आइतबार बिहान ११ बजे पार्टी केन्द्रीय कार्यालय च्यासलमा बस्नेछ।
केन्द्रीय कार्यालय सचिव डा. भिष्म अधिकारीका अनुसार बैठकको मुख्य एजेन्डा समानुपातिकतर्फका उम्मेदवारको अन्तिम सूची तय गर्नु हो। निर्वाचन आयोगले फागुन २१ गते हुने निर्वाचनका लागि आइतबार नै समानुपातिक उम्मेदवारको बन्दसूची बुझाउने अन्तिम मिति तोकेको छ।
जिल्ला र प्रदेशबाट आएका आकाङ्क्षीहरूको नाम संकलन गरी पार्टी अध्यक्ष केपी शर्मा ओली र महासचिवसहितका नेताहरूले छोटो सूची तयार गरिसकेका छन्। सचिवालय बैठकमा नेताहरूको सुझावका आधारमा अन्तिम नामावली टुंग्याइने र सोही दिन निर्वाचन आयोगमा बुझाइने तयारी गरिएको छ।
बैठकमा कार्यालय व्यवस्थापन, समसामयिक राजनीतिक अवस्था र प्रधानमन्त्रीले प्रमुख तीन दलका नेतासँग गरेको पछिल्लो छलफलका विषयमा पनि अध्यक्ष ओलीले जानकारी गराउने कार्यसूची रहेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
