२ माघ २०८२, शुक्रवार
नेपाली कांग्रेसको दोस्रो विशेष महाधिवेशनले गगन थापाको नेतृत्वमा नयाँ कार्यसमिति निर्वाचित गरेपछि सभापति शेरबहादुर देउवा पक्षका नेताहरू शुक्रबार बिहान निर्वाचन आयोग पुगेका छन्।
आयोग गएका देउवा पक्षका नेताहरूमा पूर्णबहादुर खड्का, शेखर कोइराला, रमेश लेखक, विमलेन्द्र निधि, रमेश रिजाल, श्याम घिमिरे, कल्याण गुरूङ, धनराज गुरूङ, मीनेन्द्र रिजाल, महालक्ष्मी उपाध्याय ‘डिना’, सुजाता कोइराला, एनपी साउद, नैनसिंह महर, जीतजंग बस्नेत लगायत छन्।
आयोगका पदाधिकारीहरूसँग केही बेरमै छलफल हुने उनले जानकारी दिए।
उनीहरू अहिले आयोगका पदाधिकारीलाई भेटेर छलफल गर्न कुरिरहेका छन् भने देउवा पक्षका तरूण दलका युवाहरू बाहिर धर्ना दिएर बसेका छन्।
