नेपाल स्टक एक्सचेञ्ज (नेप्से) परिसूचक आज दोहोरो अंकले घटेको छ। आज नेप्से परिसूचक २६ दशमलव ०७ अंकले ओरालो लागेर २७९८ दशमलव ८३ को बिन्दुमा कायम भएको छ, जुन शून्य दशमलव ९२ प्रतिशतको गिरावट हो।
आज ३४५ कम्पनीका ३ करोड ७ लाख ९० हजार २११ कित्ता शेयर १ लाख २ हजार ७५९ पटक खरिदबिक्री हुँदा ११ अर्ब ९७ करोड ४६ लाख ९६ हजार ८८ रुपैयाँ बराबरको कारोबार भएको नेप्सेले जनाएको छ।
कारोबारमा उत्पादन तथा प्रशोधन समूहको उपसूचक शून्य दशमलव २५ प्रतिशतले बढेको छ भने अन्य सबै समूहको उपसूचक घटेको छ। बैंकिङ १ दशमलव ६१, विकास बैंक ० दशमलव ८४, वित्त ० दशमलव ७१, होटल तथा पर्यटन ० दशमलव २६, जलविद्युत् ० दशमलव ६१, लगानी १ दशमलव ५२ र जीवन बिमा ० दशमलव ९४ प्रतिशतले घटेको छ।
लघुवित्त ० दशमलव ९५, म्युचुअल फन्ड ० दशमलव ४६, निर्जीवन बिमा ० दशमलव ४५, व्यापार १ दशमलव ०९ र अन्य समूह १ दशमलव ०९ प्रतिशतले घटेको छ।
सलपा विकास बैंक लिमिटेड, रिलायन्स स्पिनिङ मिल्स लिमिटेड, अपर हेवाखोला हाइड्रोपावर कम्पनी लिमिटेड र सोलु हाइड्रोपावर लिमिटेडको शेयर मूल्यमा सकारात्मक सर्किट लागेको छ। सबैभन्दा धेरै गुमाउनेमा सिद्धार्थ इक्विटी फन्डको शेयर मूल्य ४ दशमलव ३९ प्रतिशतले घटेको छ।
कारोबार रकमका आधारमा आज सबैभन्दा धेरै आँखुखोला जलविद्युत् कम्पनी लिमिटेडका ६८ करोड ७७ लाख २४ हजार ७६१ रुपैयाँ बराबरको कारोबार भएको छ। कारोबार भएका शेयर संख्याका आधारमा भने सबैभन्दा धेरै नेसनल हाइड्रोपावर कम्पनी लिमिटेडका २२ लाख ७२ हजार २४५ कित्ता शेयर किनबेच भएको नेप्सेले जनाएको छ।
