२०८३ मंसिर ८ | nepali.worldinfonews.com | Nepali Unicode|Preeti to Unicode
 BREAKING
किरण तिम्सिनाको नियुक्तिमाथि खुस्बु ओलीको प्रश्न : ‘आफैँ नियम बनाएर आफैँ परीक्षामा प्रथम ?’ | प्रतिभा रावलको प्राथमिकता: सहकारी, लालपुर्जा र निजामती सुधार | दूरसञ्चार सेवा कमजोर भएपछि सञ्चारमन्त्रीले मागे प्राधिकरणसँग जवाफ | बाढीपहिरोले मनाङको सडक ठप्प, औषधीदेखि खाद्यान्नसम्मको आपूर्ति रोकियो | पोखरामा हुँदैछ ‘नोमाड बेसक्याम्प – २०२६’: विश्वभरका डिजिटल नोमाड र उद्यमी भेला हुदै | भरतपुरमा गुडिरहेको कारमा आगो लाग्दा एकजनाको मृत्यु | भोटेकोशी बाढी : ७ हजार ५७० घर ध्वस्त, पुनरुत्थानमा १ खर्ब ३ अर्ब चाहिने | आज ६ संसदीय समितिको बैठक बस्दै | सार्वजनिक सम्पत्तिमा आगजनीदेखि हतियार लुटपाटसम्म : जेनजी हिंसामा १,०१३ पक्राउ, २४९ जेलमा | भोटेकोशी बाढीपछि प्रधानमन्त्री राहत कोषमा करिब १२ अर्ब जम्मा |

नेकपा एमालेका महासचिव शंकर पोखरेलले चुनावी लहर वा एकपटकको ठूलो जितले मात्र दीर्घकालीन राजनीतिक स्थायित्व सुनिश्चित नगर्ने बताएका छन्।

सामाजिक सञ्जाल फेसबुकमार्फत उनले सन् १९८४ को भारतीय लोकसभा निर्वाचनको उदाहरण दिँदै त्यतिबेला देखिएको ‘राजीव लहर’ र हाल नेपालमा देखिएको ‘बालेन लहर’ बीच तुलना गरेका छन्।

उनका अनुसार सन् १९८४ को भारतीय आम चुनावमा कांग्रेस (आई) ले दुई तिहाइभन्दा बढी सिटमा ऐतिहासिक विजय हासिल गरेको थियो भने भारतीय जनता पार्टी (भाजपा) त्यतिबेला जम्मा दुई सिटमा सीमित भएको थियो। तर त्यस्तो ठूलो सफलता पाए पनि कांग्रेस (आई) क्रमशः कमजोर बन्दै गएको र भाजपा विस्तारै सशक्त बन्दै अघि बढेको उनले उल्लेख गरेका छन्।

पोखरेलले यही प्रक्रियाको परिणामस्वरूप आज नरेन्द्र मोदीको नेतृत्वमा भाजपा लगातार तेस्रो कार्यकालका लागि भारतको केन्द्रीय सत्तामा स्थापित भएको उदाहरण दिएका छन्।

उनले यस घटनाक्रमले महत्वपूर्ण शिक्षा दिने बताएका छन्। चुनावी लहर वा एकपटकको जितले मात्रै दीर्घकालीन सफलता सुनिश्चित नहुने भन्दै जनअपेक्षा पूरा गर्ने क्षमता, संगठन सुदृढीकरण र निरन्तर जनसमर्थन कायम राख्ने रणनीति नै दीर्घकालीन सफलताको आधार हुने उनको भनाइ छ।

पोखरेलले जित्ने र हार्ने दुवै पक्षका लागि यसबाट सिक्नुपर्ने बताएका छन्।

हालै सम्पन्न निर्वाचनमा एमालेले अनपेक्षित पराजय भोगेपछि पार्टीभित्र पुनर्गठनको आवाज उठिरहेको छ। मातहतका केही कमिटीहरूले स्वःस्फूर्त रूपमा समीक्षा प्रक्रिया सुरु गरेका छन्।

Website | + posts

वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।

प्रतिक्रिया

सम्बन्धित खवर

ताजा समाचार

लोकप्रिय