सर्वोच्च अदालतले राष्ट्रिय स्वतन्त्र पार्टी (रास्वपा)का सभापति रवि लामिछानेमाथिको सम्पत्ति शुद्धीकरण र संगठित अपराधसम्बन्धी अभियोगपत्र संशोधन गर्ने महान्यायाधिवक्ता कार्यालयको निर्णयसम्बन्धी सक्कल कागजात पेश गर्न आदेश दिएको छ।
न्यायाधीशद्वय शारङ्गा सुवेदी र सुनीलकुमार पोखरेलको संयुक्त इजलासले महान्यायाधिवक्ता कार्यालयले मातहतका जिल्ला सरकारी वकील कार्यालयलाई २०८२ पुस ३० गते दिएको अभियोगपत्र संशोधनसम्बन्धी निकास तथा २०८२ माघ २ गते गरिएको ‘त्रुटि सच्याउने’ निर्णयको प्रतिलिपि माग गरेको हो।
महान्यायाधिवक्ता सविता भण्डारीले सुरुमा लामिछानेको मुद्दामा मात्र अभियोगपत्र संशोधन गर्ने निर्णय गरेकी थिइन्। त्यसको दुई दिनपछि अन्य सबै आरोपीका हकमा पनि संशोधन लागू हुने निर्णय गरिएको थियो।
सर्वोच्च अदालतले उक्त मुद्दालाई चैत ९ गतेका लागि हेर्न नमिल्ने न्यायाधीश बाहेकको इजलासमा पेश गर्न आदेश दिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
