पूर्वप्रधानमन्त्री तथा नेकपा एमाले अध्यक्ष केपी शर्मा ओलीलाई पित्तथैलीको शल्यक्रियाका लागि आज सोमबार अपरेसन थिएटरमा लगिएको छ।
महाराजगन्जस्थित त्रिवि शिक्षण अस्पतालमा उपचाररत ओलीलाई शल्यक्रियाका लागि करिब आधा घण्टा अघि अपरेसन थिएटरमा लगिएको अस्पताल स्रोतले जनाएको छ।
ओलीको पित्तथैलीमा करिब २२ एमएमको ढुंगा रहेको बताइएको छ। चिकित्सकहरूका अनुसार उनको स्वास्थ्य अवस्था भने सामान्य रहेको छ।
गत भदौमा भएको जेनजी आन्दोलनका क्रममा भएको घटनापछि उनी पक्राउ परेका थिए। चैत १४ गतेदेखि उनी त्रिवि शिक्षण अस्पतालमा उपचाररत रहेका थिए।
चैत २६ गते उनी हाजिरी जमानीमा रिहा भए पनि शल्यक्रियाका कारण अस्पतालमै बसेका हुन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
