नेपाली कांग्रेसले गठन गरेको समितिले भदौ २३ र २४ गतेको जेनजी आन्दोलनसँग सम्बन्धित घटनाको छानबिनका लागि बनेको पूर्वन्यायाधीश गौरीबहादुर कार्की नेतृत्वको जाँचबुझ आयोगको प्रतिवेदन अध्ययन गरी आफ्नो प्रतिवेदन पार्टीलाई बुझाएको छ।
कांग्रेसले वरिष्ठ अधिवक्ता यदुनाथ खनालको संयोजकत्वमा पाँच सदस्यीय अध्ययन समिति गठन गरेको थियो। उक्त समितिले तयार पारेको ५२ पृष्ठको प्रतिवेदन आज पार्टीलाई हस्तान्तरण गरिएको हो।
प्रतिवेदन बुझाएपछि सञ्चारकर्मीसँग संक्षिप्त प्रतिक्रिया दिँदै संयोजक खनालले जेनजी आन्दोलनका क्रममा भदौ २३ गतेका घटनालाई बढी समेटिएको तर भदौ २४ गतेका घटनालाई पर्याप्त रूपमा समावेश नगरेको निष्कर्ष निकालेको बताए।
उनले भदौ २४ का घटनाबारे आयोगले समय अभावका कारण विस्तृत अध्ययन गर्न नसकेको भनाइप्रति असहमति जनाए। पटक–पटक म्याद थप गरिएको अवस्थामा पनि उक्त घटनाको विवरण नआउनु उपयुक्त नभएको उनको भनाइ छ।
समितिले भदौ २४ का घटनाबारे विस्तृत विवरण समेटेर आफ्नो प्रतिवेदन तयार पारेको जनाएको छ। यस आधारमा नेपाली कांग्रेसले आगामी दिनमा कार्की आयोगको प्रतिवेदनबारे आधिकारिक धारणा सार्वजनिक गर्ने अपेक्षा गरिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
