पूर्वमन्त्री तथा नेपाली कांग्रेसका नेता दीपक खड्काको बन्दी प्रत्यक्षीकरण रिटमा आज सुनुवाइ हुँदैछ।

सर्वोच्च अदालतका कामु प्रधानन्यायाधीश सपना प्रधान मल्ल र न्यायाधीश श्रीकान्त पौडेलको संयुक्त इजलासमा उक्त रिट सुनुवाइका लागि पेसी तोकिएको हो।

यसअघि न्यायाधीश तिलप्रसाद श्रेष्ठ र शान्तिसिंह थापाको संयुक्त इजलासले जिल्ला अदालतबाट म्याद थपका लागि पेश गरिएको पर्चा, राजस्व अनुसन्धान विभागको अनुरोधपत्र तथा थुनाको कारणसहितको लिखित जवाफ बिहीबार दिउँसो १२ बजेसम्म पेश गर्न आदेश दिएको थियो।

दीपक खड्कालाई गैरकानुनी रूपमा हिरासतमा राखिएको दाबी गर्दै उनकी पत्नी विनीता थापाले सर्वोच्च अदालतमा रिट दायर गरेकी थिइन्।

हाल सम्पत्ति शुद्धीकरण अनुसन्धान विभागले काठमाडौं जिल्ला अदालतबाट म्याद थप गरी खड्कामाथि अनुसन्धान गरिरहेको छ।