स्वास्थ्य तथा जनसंख्यामन्त्री निशा मेहताले मन्त्रालयभित्र भइरहेको इन्धन दुरुपयोगबारे छानबिन गरी संलग्नलाई कारबाही गर्न निर्देशन दिएकी छन् ।
मन्त्री मेहताको सचिवालयका अनुसार ‘जेनजी’ आन्दोलनका क्रममा जलाइएका सवारीसाधनको नाममा समेत इन्धन लिने गरिएको पाइएको छ ।
यस विषयमा अनुसन्धान गर्न मन्त्री मेहताले मन्त्रालयका प्रशासन सचिव डिल्लीराम शर्मालाई निर्देशन दिएकी छन् ।
उक्त आन्दोलनका क्रममा स्वास्थ्य मन्त्रालयका १८ वटा र मातहतका निकायका थप ६ वटा गरी कुल २४ सवारीसाधन जलेर पूर्ण रूपमा क्षतिग्रस्त भएका थिए ।
तर ती सवारीसाधन काम नलाग्ने अवस्थामा पुगिसक्दा पनि सोही विवरण देखाएर कर्मचारीले इन्धन सुविधा लिने गरेको प्रारम्भिक तथ्य फेला परेको सचिवालयले जनाएको छ ।
मन्त्रालयले यस विषयलाई गम्भीर रूपमा लिँदै विस्तृत छानबिन अघि बढाउने र दोषी देखिएकामाथि आवश्यक कारबाही गरिने जनाएको छ ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
