सरकारले सीमा विवादको समाधान कूटनीतिक संवादमार्फत खोजिने प्रतिबद्धता जनाएको छ।
सोमबार संघीय संसद्मा सरकारको नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले सीमा सम्बन्धी विषयलाई संवाद र कूटनीतिक माध्यमबाट समाधान गरिने बताएका हुन्।
राष्ट्रपतिले सीमा सुरक्षालाई थप प्रभावकारी बनाउन आधुनिक प्रविधिको प्रयोग गरिने जानकारी पनि दिए।
उनका अनुसार सीमा नाकाहरूमा अनुहार पहिचान प्रणाली (फेस रेकग्निसन सिस्टम) लागू गरिनेछ। साथै अवैध गतिविधि नियन्त्रणका लागि ड्रोन तथा नाइट भिजन क्यामराको प्रयोग विस्तार गरिने सरकारको योजना छ।
सरकारले सीमा क्षेत्रको सुरक्षा, निगरानी र व्यवस्थापनलाई प्रविधिमैत्री बनाउँदै लैजाने नीति लिएको जनाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
