राष्ट्रिय परीक्षा बोर्डले सोमबार सार्वजनिक गरेको माध्यमिक शिक्षा परीक्षा (एसईई)को नतिजाअनुसार ३.६० देखि ४.० जीपीए ल्याउने विद्यार्थी ४८ हजार ३९२ जना रहेका छन्।

बोर्डका अनुसार यस वर्ष एसईईमा कुल ६५.९८ प्रतिशत विद्यार्थी उत्तीर्ण भएका छन्। गत वर्षको तुलनामा नतिजा ४.१७ प्रतिशतले सुधार भएको देखिएको छ। गत वर्ष ६१.८१ प्रतिशत विद्यार्थी पास भएका थिए।

ग्रेडअनुसारको तथ्यांक हेर्दा १.६० देखि २.० जीपीए ल्याउने विद्यार्थी ७ जना मात्र छन्।

त्यस्तै २.० देखि २.४० जीपीए ल्याउने ५ हजार १९० विद्यार्थी रहेका छन्।

बोर्डको विवरणअनुसार २.४० देखि २.८० जीपीए ल्याउने विद्यार्थीको संख्या ५५ हजार ९७७ रहेको छ।

त्यसैगरी २.८० देखि ३.२० जीपीए ल्याउने विद्यार्थी ९४ हजार २२२ जना छन्।

३.२० देखि ३.६० जीपीए ल्याउने विद्यार्थीको संख्या ८० हजार ३७२ रहेको छ।

सबैभन्दा माथिल्लो श्रेणी ३.६० देखि ४.० जीपीए ल्याउने ४८ हजार ३९२ विद्यार्थी रहेका छन्।

यस वर्ष नन–ग्रेडेडमा १ लाख ४६ हजार ५०७ विद्यार्थी परेका छन्।

गत चैतमा सम्पन्न परीक्षामा कुल ५ लाख १२ हजार ४२१ विद्यार्थी सहभागी भएका थिए।