कैलालीको टीकापुरमा नियमित दौडका क्रममा सात जना सशस्त्र प्रहरी जवान बेहोस भएका छन्।
सशस्त्र प्रहरी बल उग्रतारा गण, भन्सार राजस्व तथा औद्योगिक तालिम केन्द्र टीकापुरमा शुक्रबार बिहान नियमित प्रशिक्षण अन्तर्गत दौड गरिरहेका बेला उनीहरू बेहोस भएका हुन्।
बिहान करिब ६ बजेतिर घटना भएपछि बेहोस भएका सातै जनालाई तत्काल उपचारका लागि टीकापुर अस्पतालमा भर्ना गरिएको थियो।
प्रहरी स्रोतका अनुसार अत्यधिक गर्मीका कारण ‘हिट स्ट्रोक’ भएपछि जवानहरूको अवस्था गम्भीर बनेको हो। अवस्था थप जटिल भएपछि उनीहरूलाई थप उपचारका लागि बाहिर पठाउने तयारी गरिएको छ।
उद्धारका लागि नेपाली सेनाको हेलिकोप्टर टीकापुर पुगेको छ। स्रोतका अनुसार प्रहरी जवानहरूलाई दुई–दुई जनाका दरले सुर्खेत लगिने र त्यसपछि ठूलो हेलिकोप्टरमार्फत काठमाडौं ल्याउने तयारी गरिएको छ।
पहिलो चरणमा दुई जना प्रहरी जवानलाई लिएर हेलिकोप्टर शुक्रबार बिहान १०ः४५ बजे टीकापुरबाट उडेको बताइएको छ।
पछिल्ला केही दिनयता टीकापुर क्षेत्रमा अत्यधिक गर्मी बढेको छ। दिउँसो तापक्रम ४० डिग्री सेल्सियस आसपास पुग्ने गरेको स्थानीयले बताएका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
