नेपाल नागरिक उड्ययन प्राधिकरणको महानिर्देशकमा सहसचिव मुकेश डंगोल नियुक्त भएका छन्। सोमबार बसेको मन्त्रिपरिषद् बैठकले डंगोललाई महानिर्देशक नियुक्त गर्ने निर्णय गरेको हो।
सरकारका प्रवक्ता सस्मित पोखरेलले मन्त्रिपरिषद्को निर्णयबारे जानकारी दिँदै नागरिक उड्ययन प्राधिकरणको नेतृत्वमा डंगोललाई नियुक्त गरिएको बताए।
नयाँ नियुक्तिसँगै डंगोलले अब नेपाल नागरिक उड्ययन क्षेत्रको प्रशासनिक तथा व्यवस्थापकीय जिम्मेवारी सम्हाल्नेछन्। पछिल्लो समय हवाई सुरक्षा, विमानस्थल व्यवस्थापन र अन्तर्राष्ट्रिय उडान सेवासम्बन्धी विषय चर्चामा रहेका बेला उनको नियुक्तिलाई अर्थपूर्ण रूपमा हेरिएको छ।
सरकारले सार्वजनिक सेवा तथा प्रशासनिक क्षेत्रमा विभिन्न नियुक्ति र जिम्मेवारी हेरफेर गरिरहेका बेला नागरिक उड्ययन प्राधिकरणमा पनि नयाँ नेतृत्व ल्याउने निर्णय गरेको हो।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
