सीसी महिला प्रिमियर कप २०२६ अन्तर्गत नेपालले भुटानसामु ११४ रनको लक्ष्य प्रस्तुत गरेको छ।
मलेसियाको क्वालालम्पुरस्थित कोलेज तान्कु जाफर ओभलमा बिहीबार भएको खेलमा टस हारेर पहिले ब्याटिङको निम्तो पाएको नेपाल निर्धारित २० ओभरमा सबै विकेट गुमाउँदै ११३ रनमा समेटिएको हो।
नेपालले सुरुआतबाटै दबाब सामना गर्नुपरेको थियो। पावरप्लेभित्रै तीन विकेट गुमाएको नेपालले पहिलो ६ ओभरमा ३२ रन मात्र जोड्न सकेको थियो।
एक समय ६७ रन बनाउँदा सात विकेट गुमाएर अप्ठ्यारो अवस्थामा पुगेको नेपाललाई अनुभवी ब्याटर सीता राना मगर र रुबिना क्षेत्रीले उकासेका थिए। दुवैले आठौं विकेटका लागि ४० रनको महत्वपूर्ण साझेदारी गर्दै टोलीलाई सम्मानजनक स्कोरतर्फ डोर्याए।
नेपालका लागि सीता राना मगरले सर्वाधिक ३७ रनको योगदान दिइन्। उनले २८ बलमा ६ चौका प्रहार गरिन्। रुबिना क्षेत्रीले २४ रन बनाइन् भने सोनी पाख्रिनले १३ र ओपनर सम्झना खड्काले १० रन जोडिन्।
रिया शर्मा २०औँ ओभरको अन्तिम बलमा बोल्ड भइन् भने मनिषा उपाध्याय शून्य रनमा अविजित रहिन्।
भुटानका लागि छिरिङ ग्याङमो र सोनमले समान तीन–तीन विकेट लिए। अन्जु गुरुङले दुई विकेट हात पारिन् भने रित्सी छोडेन र रिया प्रधानले एक–एक विकेट लिए।
प्रतियोगिताको पहिलो खेलमा कतारलाई ८ विकेटले पराजित गरेको नेपालले दोस्रो खेलमा भुटानविरुद्ध ११४ रनको लक्ष्य प्रस्तुत गरेको हो।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
