परराष्ट्रमन्त्री शिशिर खनाल आगामी जुन ६ र ७ मा भारतको औपचारिक भ्रमणमा जाने भएका छन्।
भारतीय परराष्ट्रमन्त्री एस. जयशंकरको औपचारिक निमन्त्रणामा मन्त्री खनाल नयाँदिल्ली जान लागेका हुन्।
राष्ट्रिय स्वतन्त्र पार्टी (रास्वपा) का सभापति रवि लामिछाने नेतृत्वको टोली हाल भारत भ्रमणमा रहेका बेला परराष्ट्रमन्त्री खनालको भ्रमण पनि तय भएको हो। यसलाई नेपाल–भारत सम्बन्धका सन्दर्भमा चासोका साथ हेरिएको छ।
परराष्ट्र मन्त्रालय स्रोतका अनुसार मन्त्री खनालको भ्रमण औपचारिक प्रकृतिको हुनेछ। भ्रमणका क्रममा दुई देशबीचको सम्बन्ध, आपसी सहकार्य तथा साझा हितका विविध विषयमा छलफल हुने अपेक्षा गरिएको छ।
भारत भ्रमणमा रहेका रास्वपा सचिवालय सदस्य दीपक बोहराले बीबीसी नेपाली सेवासँग कुरा गर्दै परराष्ट्रमन्त्री खनालको भ्रमणका क्रममा द्विपक्षीय हितका विषयलाई ‘चेकलिस्ट’ बनाएर अघि बढाइने बताएका छन्।
नेपाल–भारत सम्बन्धका विभिन्न आयाम, आपसी सहकार्य र कूटनीतिक विषयलाई केन्द्रमा राखेर भ्रमणका कार्यक्रम तय गरिएको जनाइएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
