काभ्रेपलाञ्चोक जिल्लाको बनेपाबाट रोशी–६ सुँगुरेतर्फ जाँदै गरेको यात्रुबस दुर्घटना हुँदा आठ जनाको मृत्यु भएको छ।
जिल्ला प्रहरी कार्यालय काभ्रेका अनुसार पूर्वअरनिको यातायात प्रालिको बा.३ख ८३९८ नम्बरको बस नमोबुद्ध–२ स्थित सेल्फीडाँडामा पर्ने बिपी राजमार्गबाट अनियन्त्रित भई तल खसेको हो।
दुर्घटनामा परी आठ जनाको मृत्यु भएको प्रारम्भिक जानकारी प्राप्त भएको प्रहरीले जनाएको छ। घटनाबारे विस्तृत विवरण भने आउन बाँकी रहेको छ।
घटनापछि घाइतेहरूलाई उद्धार गरी उपचारका लागि धुलिखेल अस्पताल पुर्याउने क्रम जारी रहेको प्रहरीले जनाएको छ।
दुर्घटनाको कारण र क्षतिको पूर्ण विवरण संकलन भइरहेको जनाइएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
