राष्ट्रिय स्वतन्त्र पार्टी (रास्वपा) को बागमती प्रदेश अधिवेशनअन्तर्गत नयाँ नेतृत्व चयनका लागि आज काठमाडौंमा मतदान हुँदैछ।
यसअघि हेटौंडामा गर्ने तयारी गरिएको अधिवेशन आन्तरिक विवाद तथा व्यवस्थापकीय कारणले काठमाडौं सारिएको थियो। विवादका कारण केही दिन रोकिएको अधिवेशनको निर्वाचन प्रक्रिया आजबाट अघि बढ्न लागेको हो।
आजको मतदानबाट प्रदेश सभापतिसहित विभिन्न पदाधिकारी र सदस्यहरूको चयन गरिनेछ। प्रदेश नेतृत्वका लागि निवर्तमान सभापति अचुतम लामिछाने, उत्सव अर्याल, हरि खत्री र कृष्णमान शाक्य प्रतिस्पर्धामा छन्।
रास्वपाको केन्द्रीय निर्वाचन आयोगका प्रमुख भुवन केसीका अनुसार काठमाडौंको धुम्बाराहीमा प्रदेश नेतृत्व चयनका लागि मतदान हुनेछ।
यसअघि जेठ २७ गते प्राविधिक तथा व्यवस्थापकीय कारण देखाउँदै स्थगित गरिएको निर्वाचन प्रक्रियाअन्तर्गत मतदाता नामावली प्रमाणीकरण, समायोजन सूची व्यवस्थापन र प्राविधिक परीक्षणलगायतका काम सम्पन्न भएपछि मतदानको नयाँ मिति तय गरिएको हो।
धुम्बाराहीस्थित शंखपार्कको स्मार्ट दरबार पार्टी प्यालेसमा मतदान हुनेछ। निर्वाचन समितिका अनुसार बिहान ११ बजेदेखि साँझ ५ बजेसम्म मतदानको समय तोकिएको छ।
मतदान प्रक्रिया विद्युतीय माध्यमबाट सञ्चालन गरिने निर्वाचन समितिले जनाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
