भूमि व्यवस्था, सहकारी, संघीय मामिला तथा सामान्य प्रशासनमन्त्री प्रतिभा रावलले निजामती कर्मचारीको ५५ वर्षे उमेर हदसम्बन्धी विषय संसद्बाटै टुंगो लाग्ने बताएकी छन्।
बुधबार प्रतिनिधिसभामा विनियोजन विधेयकमाथिको छलफलका क्रममा सांसदहरूले उठाएका जिज्ञासाको जवाफ दिँदै मन्त्री रावलले उक्त विषय अहिले विधेयकको प्रक्रियामै रहेको जानकारी दिइन्।
उनका अनुसार संघीय निजामती सेवाको गठन, सञ्चालन तथा सेवाका सर्त सम्बन्धमा व्यवस्था गर्न बनेको प्रस्तावित विधेयक हाल कानुन, न्याय तथा संसदीय मामिला मन्त्रालयमा रायका लागि पठाइएको छ।
मन्त्री रावलले विधेयक संसद्मा दर्ता भएपछि त्यसमा समावेश उमेर हदलगायतका विषयमा विस्तृत छलफल हुने र अन्तिम निर्णय पनि संसद्बाटै हुने स्पष्ट पारिन्।
उनले प्रस्तावित निजामती सेवा विधेयक अहिले प्रक्रियागत चरणमा रहेको उल्लेख गर्दै संसद्मा प्रवेश गरेपछि आवश्यक छलफल र निर्णयको प्रक्रिया अघि बढ्ने बताइन्।
उमेर हदसम्बन्धी विषयमा अहिले नै थप टिप्पणी गर्न उपयुक्त नहुने भन्दै मन्त्री रावलले विधेयक संसद्मा पुगेपछि सबै विषयमा स्पष्टता आउने धारणा व्यक्त गरिन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
