सह–आयोजक अमेरिका फिफा विश्वकप २०२६ को अन्तिम १६ मा प्रवेश गरेको छ। बिहीबार सान फ्रान्सिस्को बे एरिया स्टेडियममा भएको खेलमा बोस्निया एन्ड हर्जगोभिनालाई २–० ले पराजित गर्दै अमेरिकाले नकआउट चरणमा स्थान सुरक्षित गरेको हो।

अमेरिकाको जितमा फोलारिन बालोगुन र मलिक टिलम्यानले एक–एक गोल गरे। खेलको ४५औँ मिनेटमा बालोगुनले गोल गर्दै अमेरिकालाई पहिलो अग्रता दिलाएका थिए।

तर दोस्रो हाफको ६४औँ मिनेटमा बालोगुन रातो कार्ड खाँदै मैदान बाहिरिएपछि अमेरिका १० खेलाडीमा सीमित भएको थियो।

एक खेलाडी कम भए पनि अमेरिकाले खेलमा आफ्नो नियन्त्रण कायम राख्यो। ८२औँ मिनेटमा मलिक टिलम्यानले डिबक्स बाहिरबाट प्रहार गरेको उत्कृष्ट फ्रिकिक सिधै गोलमा परिणत गर्दै टोलीको अग्रता दोब्बर बनाए।

त्यसपछि दुवै टोलीबाट थप गोल हुन नसकेपछि अमेरिका २–० को जितसहित अन्तिम १६ मा प्रवेश गर्न सफल भयो।

अब अमेरिका क्वार्टरफाइनल प्रवेशका लागि बेल्जियमसँग प्रतिस्पर्धा गर्नेछ।