प्रेमिकासँग विवाह गराइदिनुपर्ने माग राख्दै नेपाल टेलिकमको टावरमा चढेका २४ वर्षीय अफसर आलम हुसैन अन्ततः सकुशल ओर्लिएका छन्। उद्धारपछि उनी घर फर्किएका छन्।
गोडैता नगरपालिका–९ बकैनियाका आलम आइतबार बिहान मलङ्गवा नगरपालिका–९ स्थित नेपाल टेलिकमको करिब ८० मिटर अग्लो टावरमा चढेका थिए। उनले आफू प्रेम गर्दै आएकी ठाकुर थरकी युवतीसँग विवाह हुनुपर्ने माग राख्दै टावरमा चढेको बताएका थिए।
जिल्ला प्रहरी कार्यालय सर्लाहीका अनुसार आलमले टावरको टुप्पोबाट आफ्ना साथीलाई फोन गरेपछि घटनाबारे जानकारी भएको थियो। त्यसपछि नेपाली सेना, नेपाल प्रहरी र सशस्त्र प्रहरीको टोली टेलिकम परिसरमा पुगेर उनको उद्धार प्रयास थालेको थियो।
सुरक्षाकर्मीहरूले लामो समयसम्म फोनमार्फत संवाद गर्दै उनलाई सुरक्षित रूपमा तल झर्न आग्रह गरेका थिए। तर, प्रेमिकासँग विवाहको सुनिश्चितता नभएसम्म नओर्लिने अडान उनले लिएका थिए।
घटनाको जानकारी पाएपछि आलमका आमाबुबा घटनास्थल पुगेका थिए। उनीहरूले सम्झाएपछि आलम स्वेच्छाले टावरबाट ओर्लिएका हुन्।
स्थानीय पत्रकार बख्तियार अलीका अनुसार टावरबाट ओर्लिएपछि आलमलाई सुरक्षित रूपमा घर पठाइएको छ। उनी सर्लाही क्याम्पस, मलङ्गवामा बीबीएस अध्ययनरत विद्यार्थी हुन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
