सुदूरपश्चिम प्रदेशका दुई मन्त्री सवार गाडी लम्कीमा एकआपसमा ठोक्किँदा सानो दुर्घटना भएको छ। प्रधानमन्त्री केपी शर्मा ओलीको स्वागतका लागि चिसापानी जाँदै गर्दा उक्त दुर्घटना भएको प्रहरीले जनाएको छ।
भौतिक पूर्वाधार विकास मन्त्री सुरेन्द्र पाल चढेको बा.२ झ १४१९ नम्बरको गाडीलाई कानुनमन्त्री ही सार्की चढेको से.१ झ ३३० नम्बरको गाडीले लम्कीमा ठक्कर दिएको थियो।
दुर्घटनामा दुईवटै गाडीमा सवार मन्त्रीलगायत सबैको अवस्था सामान्य रहेको प्रहरीले पुष्टि गरेको छ।
प्रधानमन्त्री ओली कैलालीको जानकी गाउँपालिका–९ मा निर्माण सम्पन्न भएको कटासे हाइड्रोपावर आयोजनाको उद्घाटन गर्न सुदूरपश्चिम प्रदेशमा आइपुगेका छन्। घटनास्थलमा तत्कालै सुरक्षाकर्मी परिचालन गरिएको र क्षति न्यून भएको प्रहरीले जनाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
