सप्तरीमा मदिरा तस्करी नियन्त्रण गर्ने क्रममा प्रहरीले गरेको सर्च अप्रेसनमा एक जना लालु यादवको गोली लागेर मृत्यु भएको छ। राजगड गाउँपालिका–२ कमलपुरका ३६ वर्षीय यादवलाई प्रहरी र स्थानीयबीच झडप हुँदा तिघ्रामा गोली लागेको हो।
भारतीय सीमासँग जोडिएको क्षेत्रमा ठूलो मात्रामा मदिरा तस्करी भइरहेको सूचना पाएपछि प्रहरीले राति सर्च अप्रेसन सञ्चालन गरेको थियो। उक्त क्रममा प्रहरीमाथि स्थानीयहरूले ढुङ्गामुढा गरेपछि आत्मरक्षाका लागि गोली चलाउनुपरेको प्रहरीले जनाएको छ। गम्भीर घाइते यादवलाई उपचारका लागि अस्पताल लैजाने क्रममा बाटोमै मृत्यु भएको छ।
प्रहरी नायब उपरीक्षक जितेन्द्रकुमार बस्नेतका अनुसार, सो अप्रेसनमा ८० कार्टुन विभिन्न ब्रान्डका मदिरा बरामद गरिएको छ। साथै, चार दिनअघि पनि सप्तरी प्रहरीले छिन्नमस्ता गाउँपालिका–१ बरहीविरपुरमा हवाई फायर गरी हेरोइनसहित दुई जनालाई पक्राउ गरेको थियो।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
