पाल एसबिआई बैंक लिमिटेडको नाफा गत आर्थिक वर्षमा करिब १० प्रतिशतले बढेको छ। बैंकले सार्वजनिक गरेको चौथो त्रैमासिक अपरिष्कृत वित्तीय विवरण अनुसार अघिल्लो वर्षको तुलनामा नाफा ९.८६ प्रतिशतले वृद्धि भई १ अर्ब ८० करोड २५ लाख रुपैयाँ पुगेको हो।
समीक्षा अवधिमा बैंकको खुद ब्याज आम्दानी ३.७२% र फि तथा कमिशन आम्दानी ७.५५% बढेको छ। कुल सञ्चालन आम्दानी ५.९१% वृद्धि भए पनि इम्पेरमेन्ट चार्ज ६४ करोड ८३ लाख रुपैयाँबाट बढेर १ अर्ब २ करोड रुपैयाँ पुगेकाले सञ्चालन मुनाफा ३.६२% घटेको हो।
प्रतिसेयर आम्दानी (EPS) अघिल्लो वर्षको भन्दा १ रुपैयाँ ८१ पैसा घटेर १६ रुपैयाँ ५४ पैसामा झरेको छ। गत असार मसान्तसम्म बैंकको वितरणयोग्य मुनाफा १ अर्ब २३ करोड ३ लाख रुपैयाँ र वितरणयोग्य प्रतिसेयर आम्दानी ११ रुपैयाँ २९ पैसा रहेको छ।
१० अर्ब ८९ करोड रुपैयाँ चुक्ता पूँजी भएको बैंकको जगेडा कोषमा ९ अर्ब ६५ करोड रुपैयाँ सञ्चित छ। गत आर्थिक वर्षको अन्त्यमा बैंकले १ खर्ब ९९ अर्ब रुपैयाँ निक्षेप संकलन गरी १ खर्ब ३४ अर्ब रुपैयाँ कर्जा प्रवाह गरेको छ। बैंकको प्रतिसेयर नेटवर्थ १८८ रुपैयाँ ५९ पैसा र मूल्य–आम्दानी अनुपात (P/E ratio) २६.६० गुणा रहेको विवरणमा उल्लेख छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
