नेपाली कांग्रेसका नेता डा. मिनेन्द्र रिजालले नेकपा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल प्रचण्डलाई कटाक्ष गरेका छन्।
शनिबार राजधानीमा आयोजित कार्यक्रममा बोल्दै उनले केही नेताले आफू बिना देश नै अस्तव्यस्त हुने जस्तो देखाउने प्रवृत्तिमाथि प्रहार गरे। रिजालले भने, “नेपालमा केही नेताहरू भन्छन्— म राजनीति छोडेँ भने देश गर्ल्यामगुर्लुम हुन्छ। आखिर के बोकेको छ र? पृथ्वी नै बोकेको हो कि?”
उनको टिप्पणी केही दिनअघि प्रचण्डले गरेको भनाइप्रति प्रतिक्रिया थियो। प्रचण्डले आफू पदबाट हटेमा देश अस्तव्यस्त हुने संकेत गरेका थिए।
रिजालले यस्तो सोचलाई लोकतन्त्रमा अनुचित मानसिकता भन्दै आलोचना गरे। उनले भने, “राजनीतिमा पुस्तान्तरण भन्ने कुरा हुँदैन। जसले सक्छ, उसैले नेतृत्व गर्छ। पुस्तान्तरण त राजतन्त्रमा मात्रै हुन्छ।”
नेपाली कांग्रेसकै सन्दर्भमा उनले आत्मालोचना गर्दै भने, “धुलो, तुवाँलो लागेको छ, त्यो पुछ्नुपर्छ।”
रिजालको वक्तव्यले प्रचण्डको “देश म बिना चल्दैन” भन्ने शैलीमाथि व्यंग्य मात्र होइन, नेतृत्वमा अड्किएको प्रवृत्तिमाथि पनि प्रहार गरेको देखिन्छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
