काठमाडौँको जडिबुटीमा रोकिराखेको बसमा स्कुटर ठोकिँदा दुई युवकको ज्यान गएको छ।
काठमाडौँ महानगरपालिका–३२ जडिबुटी आकाशेपुल नजिकै शुक्रबार बिहान दुर्घटना भएको हो। कोटेश्वरबाट जडिबुटीतर्फ जाँदै गरेको लु.४३ प ४९३८ नम्बरको स्कुटर रोकिराखेको बा.प्र.०१-००६ ख ४२४३ नम्बरको अरनिको यातायातको बसको पछाडि ठोकिएको जिल्ला प्रहरी परिसर काठमाडौँका एसपी अपिलराज बोहोराले जानकारी दिए।
दुर्घटनामा स्कुटर चालक नवलपरासी सुनौल नगरपालिका घर भई हाल भक्तपुरको लोकन्थली बस्ने २२ वर्षीय शिरिस पौडेल र काभ्रे पाँचखान नगरपालिका–२ का २३ वर्षीय नितेश नेपालको मृत्यु भएको हो।
गम्भीर घाइते दुवै जनालाई तत्कालै उपचारका लागि ट्रमा सेन्टर लगिएको थियो तर उपचारको क्रममा मृत्यु भएको प्रहरीले जनाएको छ।
घटनामा संलग्न दुवै सवारी साधन कोटेश्वर ट्राफिक प्रहरीको नियन्त्रणमा छन्। बस चालक दोलखा घर भई हाल काँडाघारी बस्ने २५ वर्षीय सुभाष तामाङलाई प्रहरीले नियन्त्रणमा लिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
