नेपाली कांग्रेसले हालै भएको संसद् विघटनलाई असंवैधानिक ठहर गरेको छ। शुक्रबार पार्टी कार्यालय सानेपामा बसेको कार्यसम्पादन समितिको बैठकले यस्तो निष्कर्ष निकालेको हो।
उपसभापति पूर्णबहादुर खड्काको संयोजकत्वमा बसेको बैठक जेन–जेड आन्दोलनपछि पहिलोपटक बसेको कांग्रेसको औपचारिक बैठक हो। आन्दोलनकारीद्वारा आगजनी र तोडफोडका कारण क्षतिग्रस्त पार्टी केन्द्रीय कार्यालयमै बैठक बसेको कांग्रेस प्रचार विभाग प्रमुख मीन विश्वकर्माले जानकारी दिए।
बैठकले संसद् विघटन असंवैधानिक भएको ठहर गर्दै यस विषयमा अन्य राजनीतिक दलहरूसँग संवाद गर्ने निर्णय गरेको छ। साथै, कांग्रेसले दसैँअघि नै केन्द्रीय समिति बैठक बोलाउने तयारी गरेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
