प्रधानमन्त्री सुशीला कार्कीले सिफारिस गरेका नयाँ मन्त्रीहरूको शपथग्रहण कार्यक्रम निर्धारित समयभन्दा एक घण्टा ढिला हुने भएको छ। राष्ट्रपति कार्यालयका अनुसार दिउँसो २ बजे तय भएको समारोह अब ३ बजे मात्र हुने छ।
प्रधानमन्त्री कार्कीले आइतबार पूर्वन्यायाधीश अनिलकुमार सिन्हा, राष्ट्रिय आविष्कार केन्द्रका संस्थापक महावीर पुन, अतिरिक्त स्वास्थ्य सचिव डा। संगीता मिश्रा र पत्रकार जगदिश खरेललाई मन्त्रीका लागि सिफारिस गरेकी थिइन्। तर, डा। मिश्रामाथि विवाद उठेपछि अन्तिम समयमा उनको नाम ‘होल्ड’ गरिएको छ।
भदौ २७ गते प्रधानमन्त्री बनेकी पूर्वप्रधानन्यायाधीश कार्कीले अझै पूर्ण मन्त्रिपरिषद् गठन गर्न सकेकी छैनन्। हाल सरकारमा तीन मन्त्री मात्र कार्यरत छन्, जसका कारण कार्यसम्पादनमा असर परेको बुझिएको छ।
शपथ समारोहको ढिलाइले सरकारले छिट्टै कार्यभार सम्हाल्नुपर्ने दबाबलाई अझ बढाएको छ। नयाँ मन्त्रीहरू शपथ ग्रहणसहित तत्कालै जिम्मेवारी सम्हाल्ने अपेक्षा गरिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
