जेनजी आन्दोलनमा घाइते भएका ३० जना हालसम्म विभिन्न अस्पतालहरूमा उपचाररत रहेका छन्। स्वास्थ्य तथा जनसङ्ख्या मन्त्रालयका अनुसार अधिकांश घाइतेहरूको अवस्था सामान्य भए पनि केही अझै निगरानीमा राखिएका छन्।
मन्त्रालयका अनुसार सिभिल अस्पतालमा एक जना, राष्ट्रिय ट्रमा सेन्टरमा १० जना, काठमाडौँ मेडिकल कलेजमा तीन जना, त्रिवि शिक्षण अस्पतालमा पाँच जना, पाटन स्वास्थ्य विज्ञान प्रतिष्ठानमा तीन जना, नेपाल प्रहरी अस्पतालमा एक जना र कीर्तिपुर अस्पतालमा एक जना उपचाररत छन्।
त्यसैगरी, बी एन्ड बी अस्पतालमा तीन जना, विराट मेडिकल कलेजमा एक जना, नोबेल मेडिकल कलेजमा एक जना र पोखरा स्वास्थ्य विज्ञान प्रतिष्ठानमा एक जना गरी कुल ३० जना घाइते अस्पतालमा रहेका छन्।
मन्त्रालयले दिएको तथ्यांकअनुसार आन्दोलनका क्रममा घाइते भएर उपचारका लागि आएका व्यक्तिहरूको सङ्ख्या दुई हजार ३१६ पुगेको थियो। तीमध्ये दुई हजार २३८ जना उपचारपछि डिस्चार्ज भएका छन्।
यसबीच, सञ्चारमन्त्री जगदीश खरेलले केही घाइतेहरूलाई अस्पताल पुगेर भेट गरेका छन्। उनले सरकार घाइतेहरूको उपचारमा आवश्यक सहयोग गर्न तयार रहेको बताएका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
