१२कात्तिक २०८२,
सर्वोच्च अदालतमा भदौ २४ गते भएको आगजनीपछि पहिलो पटक संवैधानिक इजलास बुधबार बस्यो।महत्त्वपूर्ण रिटको सुनुवाइ गर्ने बेला सर्वोच्चमा उल्लेख्य सुरक्षाकर्मीहरू तैनाथ हुन्छन्। बुधबार अन्तरिम सरकार गठन र संसद विघटन विरूद्धको सुनुवाइ हुँदै थियो। प्रारम्भिक सुनुवाइ नै भए पनि जनचासोको विषय भएकाले सर्वोच्चमा भीड थियो।
अहिले सुनुवाइहरू सर्वोच्च परिसरमा रहेको एनेक्स भवनभित्र भइरहेका छन्। संवैधानिक इजलासका लागि पनि त्यहीँ व्यवस्थापन गरिएको थियो।
इजलासको स्वरूप दिइसकेको कोठा सानै थियो। रिट निवेदक मात्र कम्तिमा १६ जना र थप वकिलहरू समेत हुन सक्ने भएकाले पत्रकारहरूलाई जान दिइएको थिएन।
सर्वोच्चको क्यान्टिन अगाडि कुर्सीहरू लस्करै राखिएका थिए। त्यहाँ पहिले टिभी थियो। भदौ २४ गते अघि त्यो टिभीले पेसी सूची देखाउँथ्यो। बुधबार बिहान साढे १० बजेतिर त्यहाँ अर्को टेलिभिजन जडानको काम भइरहेको थियो। प्राविधिक टोलीले जसोतसो त्यहाँबाट लाइभ सुन्ने गरी व्यवस्थापन गरे।
सुदिप पौडेल
प्रतिक्रिया
सम्बन्धित खवर
