नेकपा एमालेको भ्रातृ संगठन युवा संघ नेपाल, रुपन्देहीले समाजमा हिंसा भड्काउने अभिव्यक्ति दिँदै हिँडिरहेको डा. कमल भूसाल (निकोलस) लाई तत्काल पक्राउ गरी कडा कारबाही गर्न माग गरेको छ।
युवा संघका अनुसार भूसालले एमाले अध्यक्ष केपी शर्मा ओलीसहित विभिन्न नेताहरूको घर जलाउने, घेरा हाल्ने र हिंसात्मक अभिव्यक्ति दिने पोस्ट गर्दै आएको हुँदा यसप्रति कडा कदम आवश्यक भएको छ।
आइतबार बसेको संघको बैठकले भूसाललाई कारबाही नगरेसम्म रुपन्देही प्रवेशमा रोक लगाउने निर्णय गरेको अध्यक्ष कृष्ण कुमालले जानकारी दिएका छन्। उनका अनुसार यदि प्रहरी वा सम्बन्धित निकायले आवश्यक कारबाही नगरे भने संघ स्वयं आवश्यक कदम उठाउने चेतावनी दिएको छ।
युवा संघका रुपन्देही इन्चार्ज केशव रोक्काले भने, “देशमा विखण्डनकारी र समाज भड्काउने अभिव्यक्ति दिने व्यक्तिहरू कानूनी दायराभित्र आउनैपर्छ।” प्रहरीले हाल भूसालका गतिविधि निगरानीमा राखेको जनाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
