मर्स्याङ्दी गाउँपालिकामा सिमेन्ट बोकेको बोलेरो जिप दुर्घटना हुँदा दुई जनाको मृत्यु भएको छ। जिल्ला प्रहरी कार्यालय लमजुङका अनुसार बा८च ३७३१ नम्बरको बोलेरो जिप गएराति मर्स्याङ्दी गाउँपालिका–३ खुदीबाट ६ नाइचेस्थित हिडीखोला जलविद्युत आयोजनातर्फ जाँदै गर्दा दुर्घटनामा परेको हो।
जिप सडकबाट करीब ८०० मिटर तल खस्दा चालक दोलखाको मेलुङ–४ का ३० वर्षीय विनोद खड्का र २५ वर्षीय पारस खड्काको ज्यान गएको जिल्ला प्रहरी कार्यालयका सूचना अधिकारी ज्ञानेन्द्रबहादुर क्षेत्रीले जानकारी दिए।
दुर्घटनापछि गम्भीर घाइते भएका दुबै जनालाई उद्धार गरी बेँसीशहर नगरपालिका–८ स्थित प्रदेश अस्पतालमा उपचारका लागि पुर्याइएको थियो। तर उपचारका क्रममा दुवैको मृत्यु भएको प्रहरीले जनाएको छ।
जिपमा सवार ताप्लेजुङ सिदीङ्वा गाउँपालिका–४ का २० वर्षीय उमेश लिम्बू भने सकुशल रहेका छन्। प्रहरीका अनुसार दुर्घटनाको कारणबारे थप अनुसन्धान भइरहेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
