कालीमाटी फलफूल तथा तरकारी बजार विकास समितिले आजका लागि विभिन्न सागसब्जी र फलफूलको थोक मूल्य सार्वजनिक गरेको छ।
समितिका अनुसार आज गोलभेँडा ठूलो (भारतीय) प्रतिकिलो १०० रुपैयाँ, गोलभेँडा सानो (लोकल) ६० रुपैयाँ, र टनेलमा फलाएको गोलभेँडा प्रतिकिलो ९५ रुपैयाँ तोकिएको छ। त्यस्तै, आलु रातो ७० रुपैयाँ, आलु रातो (भारतीय) र आलु सेतो दुबैको प्रतिकिलो मूल्य ४५ रुपैयाँ कायम गरिएको छ। प्याज (भारतीय) प्रतिकिलो ३९ रुपैयाँ तोकिएको छ।
गाजर (लोकल) प्रतिकिलो १२० रुपैयाँ र तराईमा उत्पादन भएको गाजर १०० रुपैयाँमा तोकिएको छ। बन्दा (लोकल) ६० रुपैयाँ र काउली (स्थानीय) १०० रुपैयाँमा बिक्री हुने समिति जनाएको छ। मूला, भन्टा, बोडी, सिमी, करेला, लौका, परवर, घिरौँला, फर्सी लगायतका तरकारीमा पनि मूल्य परिमार्जन गरिएको छ।
त्यसैगरी, च्याउ (कन्य र डल्ले) दुबै प्रतिकिलो ४०० रुपैयाँ, कुरिलो ११०० रुपैयाँ, जिरीको साग ४०० रुपैयाँ, पार्सले ८०० रुपैयाँ र पुदिना ४५० रुपैयाँ तोकिएको छ।
फलफूलमा स्याउ (फुजी) प्रतिकिलो ३०० रुपैयाँ, केरा दर्जनको १५० रुपैयाँ, अनार ४५० रुपैयाँ, सुन्तला (नेपाली) ११५ रुपैयाँ, जुनार २५० रुपैयाँ, र किबी ३५० रुपैयाँ तोकिएको छ।
त्यस्तै, खुर्सानी, लसुन, धनियाँ, माछा र अन्य वस्तुहरूको पनि मूल्य पुनःनिर्धारण गरिएको छ। सुकेको खुर्सानी प्रतिकिलो ४२० रुपैयाँ, लसुन (चाइनिज) २०० रुपैयाँ, हरियो धनियाँ ३५० रुपैयाँ र ताजा माछा (रहु) ३४० रुपैयाँमा तोकिएको छ।
कालीमाटी बजारले दैनिक उपभोग हुने तरकारी र फलफूलको मूल्य निर्धारण गर्दै बजारमा स्थिरता ल्याउने प्रयास गरेको समितिले जनाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
