राजधानीको चन्द्रागिरी क्षेत्रमा ठूलो कौडा जुवा चलिरहेको सूचनाका आधारमा प्रहरीले छापा मार्दै २२ जनालाई पक्राउ गरेको छ ।
प्रहरी वृत्त थानकोटको टोलीले सोमबार साँझ विशेष सूचनाको आधारमा सञ्चालन गरेको अभियानमा उनीहरूलाई रंगेहात पक्राउ गरेको हो ।
छापामारीका क्रममा प्रहरीले उनीहरूको साथबाट १७ लाख रुपैयाँ नगद र कौडा खेल्ने सामग्री बरामद गरेको जनाएको छ ।
हाल पक्राउ परेकामाथि आवश्यक कानूनी प्रक्रिया अघि बढाइएको प्रहरीको भनाइ छ । प्रहरीका अनुसार सो समूह लामो समयदेखि गोप्य रूपमा जुवाको सञ्चालन गर्दै आएको अनुमान गरिएको छ ।
