अन्तर्राष्ट्रिय बजारमा आएको तीव्र मूल्य घटबढको असर नेपाली बजारमा स्पष्ट देखिएको छ। नेपाल सुनचाँदी व्यवसायी महासंघका अनुसार गत शुक्रबारको तुलनामा आज सुन प्रतितोला ६ हजार ९ सय रुपैयाँले सस्तो भएको छ।
महासंघले आज सुनको नयाँ खुद्रा मूल्य प्रतितोला २ लाख ४२ हजार ८ सय रुपैयाँ निर्धारण गरेको छ। शुक्रबार भने यसै स्तरको सुन २ लाख ४९ हजार ७ सय रुपैयाँमा कारोबार भएको थियो।
चाँदीको मूल्यमा पनि गिरावट आएको छ। आज चाँदी प्रतितोला ३ हजार १ सय ३५ रुपैयाँ कायम गरिएको छ, जुन शुक्रबारको मूल्यभन्दा १५० रुपैयाँ कम हो।
अन्तर्राष्ट्रिय बजारमा समेत सुनको मूल्य दबाबमा छ। पछिल्लो विवरणअनुसार वैश्विक बजारमा एक औँस सुन ४ हजार ८५ अमेरिकी डलरमा कारोबार भइरहेको देखिन्छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
