शैक्षिक भ्रमणमा आएका विद्यार्थी बोकेको बस आज बिहान पाल्पामा दुर्घटना भएको छ। दुर्घटनामा परेका ११ जना विद्यार्थीलाई तुरुन्तै उद्धार गरी उपचारका लागि तानसेनस्थित युनाइटेड मिसन अस्पताल पठाइएको छ।
जिल्ला प्रहरी कार्यालयका प्रहरी नायब उपरीक्षक होमप्रकाश चौधरीका अनुसार, दुर्घटना दाङबाट आएका विद्यार्थी रानीमहल जाने क्रममा भएको हो।
घाइतेमध्ये सबैको अवस्था सामान्य रहेको प्रहरीले जनाएको छ। प्रहरी र स्थानीय स्रोतहरूले दुर्घटनाको कारण अनुसन्धान भइरहेको बताएका छन्।
