कीर्तिपुरस्थित त्रिवि अन्तर्राष्ट्रिय क्रिकेट मैदान आज विशेष रङमा देखिने भएको छ। ‘ढाका टोपी ’ अभियानसँगै धेरै नेपाली दर्शकहरु ढाका टोपी लगाएर मैदान पुग्ने छन्। नेपाली पहिचानलाई विश्वमै चिनाउने उद्देश्यले आज ढाका टोपी लगाएर खेल हेरिदैछ ।
आज दोस्रो संस्करणको नेपाल प्रिमियर लिग (एनपिएल) मा बिहान ११:१५ बजे हुने पहिलो खेलमा सोमपाल कामीको कप्तानीको कर्णाली लायन्स र रोहित पौडेलको नेतृत्वको लुम्बिनी लायन्स भिड्नेछन्। लुम्बिनी पहिलो जितपछि लगातार दोस्रो सफलताको खोजीमा छ भने कर्णाली आफ्नो पहिलो हारपछि पुनरागमन गर्न चाहन्छ।
दोस्रो खेल दिउँसो ३:३० बजे काठमाडौं गोर्खाज र विराटनगर किङ्सबीच हुने छ। करण केसीको नेतृत्वको काठमाडौंले आज तेस्रो खेल खेल्दैछ-पहिलो खेलमा जनकपुरलाई हराएको टोली दोस्रो खेलमा सुदूरपश्चिमसँग पराजित भएको थियो।
उता, सन्दीप लामिछानेको कप्तानीमा रहेको विराटनगर लगातार दोस्रो जितका लक्ष्यसहित मैदानमा उत्रिनेछ। पहिलो खेलमा पोखरा एभेन्जर्सलाई सहज रूपमा हराउँदै विराटनगरले शानदार शुरुआत गरेको थियो।
आजका दुवै भिडन्त अंकतालिकामा महत्वपूर्ण प्रभाव पार्ने भएकाले खेलप्रेमी र टोलीहरूका लागि समान रूपमा निर्णायक मानिएका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
