आज काठमाडौंका सडकमा तीन हजारभन्दा बढी प्रहरी परिचालन गरिएको छ। यो कदम एमाले बागमती प्रदेश कमिटीको शनिबारको जनप्रदर्शन र कीर्तिपुरमा जारी नेपाल प्रिमियर लिग (एनपीएल)का खेललाई मध्यनजर गर्दै उठाइएको हो।
जिल्ला प्रहरी परिसर काठमाडौंका प्रवक्ता एसपी पवन भट्टराईका अनुसार आवश्यक परे थप सुरक्षाकर्मी तयारी अवस्थामा राखिएको छ। उपत्यकाभित्रका विभिन्न गण र गुल्मका टोलीसँग समन्वय गरी आवश्यक परे थप फौज परिचालन गरिने जानकारी उनले दिएका छन्।
प्रदर्शन संयमित हुने नेताहरूको प्रतिबद्धता भए पनि सम्भावित सुरक्षा चुनौतीका कारण प्रहरी उच्च सतर्कता अपनाइरहेको छ। भृकुटीमण्डपमा कार्यकर्ता जुलुससहित जम्मा हुने भएकाले काठमाडौं जिल्लाभित्रका सम्पूर्ण प्रहरी युनिट बिहानैदेखि ड्युटीमा खटिएका छन्।
त्यस्तै, कीर्तिपुरस्थित त्रिवि क्रिकेट मैदानमा आज हुने दुई एनपीएल खेलका कारण दर्शकको चाप बढ्ने सम्भावना रहेको हुँदा त्यहाँ पनि सुरक्षा उच्च सतर्कतामा राखिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
