नेपाल प्रिमियर लिग (एनपिएल) को दोस्रो संस्करण अन्तर्गत आज काठमाडौँ गोर्खाज र लुम्बिनी लायन्स बीच रुचिकर प्रतिस्पर्धा हुन लागेको छ। त्रिभुवन विश्वविद्यालय अन्तर्राष्ट्रिय क्रिकेट रङ्गशालामा अपराह्न ४ बजे सुरु हुने यो खेल दुवै टोलीका लागि प्लेअफ सपना जिउँदै राख्ने निर्णायक अवसर मानिएको छ।
कर्ण केसीको कप्तानीमा रहेको काठमाडौँले अहिलेसम्म तीन खेलमा एक जित र दुई हार व्यहोर्दै दुई अंक जोडेको छ। यतिबेला टोली तालिकाको तेस्रो स्थानमा रहेका कारण आजको नतिजाले काठमाडौँको यात्रा कता मोडिने हो भन्ने धेरै हदसम्म तय गर्नेछ।
दोसरी तर्फ, रोहित पौडेल नेतृत्वको लुम्बिनीले पनि तीन खेलमध्ये एक जित निकाल्दै समान दुई अंकका साथ चौथो स्थान ओगटेको छ। दुवै टोली अंक बराबरीमै रहेकाले आजको भिडन्त ‘कर या नर’ जस्तै देखिएको छ।
दुवै टोलीका समर्थकले प्लेअफ नजिकै पुर्याउने ‘टर्निङ पोइन्ट’ को रूपमा यस खेललाई हेरेका छन्। मैदानमा रोमाञ्चक र तीव्र प्रतिस्पर्धा हुने अनुमान गरिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
