नेपाल क्रिकेट संघ (क्यान)ले नेपाल प्रिमियर लिग (एनपीएल)को तेस्रो संस्करणको मिति घोषणा गरेको छ।
क्यानका अनुसार एनपीएलको तेस्रो संस्करण आगामी कात्तिक ९ गतेदेखि मंसिर ५ गतेसम्म सञ्चालन हुनेछ। यसपटक दसैँलगत्तै सुरु हुने एनपीएल तिहारको समयमा समेत जारी रहनेछ।
अर्थात् दसैँको पूर्णिमाको भोलिपल्टदेखि नै एनपीएल सुरु हुनेछ। क्यानका सचिव पारस खड्काले विज्ञप्ति जारी गर्दै एनपीएल २०२६ अक्टोबर २६ देखि नोभेम्बर २१ सम्म सञ्चालन हुने जानकारी दिएका छन्।
एनपीएलका लागि खेलाडीको अक्सन यसअघि नै सम्पन्न भइसकेको छ। अहिले विभिन्न टोलीहरू विदेशी खेलाडी अनुबन्ध गर्ने प्रक्रियामा रहेका छन्।
यसअघि एनपीएल तिहारपछि मंसिरमा आयोजना हुँदै आएको थियो। यसपटक मिति घोषणा भए पनि खेलतालिका भने सार्वजनिक गरिएको छैन।
यद्यपि, क्यान स्रोतका अनुसार तिहारका महत्वपूर्ण तीन दिन भने खेल नराख्ने सम्भावना रहेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
