अमेरिकाले १९ देशबाट आएका स्थायी आवास अनुमति (ग्रिन कार्ड) पाएका व्यक्तिहरूको पुनः जाँच सुरु गर्ने तयारी गरेको छ। अमेरिकी नागरिकता तथा आप्रवासन सेवाका प्रमुख जोसेफ एडलोका अनुसार राष्ट्रपति डोनल्ड ट्रम्पले सबै सम्वन्धित देशका ग्रिन कार्डधारीलाई कडाइका साथ पुनः मूल्यांकन गर्न निर्देशन दिएका हुन्।

पुनः जाँचको सूचीमा अफगानिस्तान, हैटी, इरान, सोमालिया, भेनेजुएला, बर्मा, चाड, कङ्गो, इक्वेटोरियल गिनी, इरिट्रिया, लिबिया, सुडान, यमन, बुरुन्डी, लाओस, सियरा लियोन, तुर्कमेनिस्तान र टोगो गरी १९ देश परेका छन्।

यो निर्णय ह्वाइट हाउस नजिकै दुई जना नेसनल गार्डमाथि गोली प्रहार भएको घटनापछि आएको हो। सो घटनामा अफगान नागरिक रहमानुल्लाह लकनवाल पक्राउ परेका थिए। उनी सन् २०२१ मा अमेरिकी सेनाको फिर्तीसँगै अफगान नागरिकलाई दिइने विशेष आप्रवासन सुरक्षामा अमेरिका पुगेका बन्दै आएका थिए।

घटनापछि ट्रम्प प्रशासनले सुरक्षा जोखिमका आधारमा ती देशका आप्रवासीको पृष्ठभूमि पुनः पुष्टि गर्न आवश्यक देखेको बताइएको छ। प्रशासनका अधिकारीहरूले ग्रिन कार्ड जारी गर्ने प्रक्रियामा समेत थप कडाइ अपनाइने संकेत गरेका छन्।