नेपाल प्रिमियर लिग (एनपीएल) सिजन–२ अन्तर्गत काठमाण्डु गोर्खाजले चितवन राइनोजलाई ५३ रनले हराउँदै तेस्रो जित हासिल गरेको छ।
आजको खेलमा चितवनले १४३ रनको लक्ष्य पछ्याउने क्रममा १७ ओभर २ बलमै ८९ रनमा अलआउट भयो। चितवनका लागि देव खनाल र रवि बोपाराले समान २१ रन बनाए भने शोहिल तन्विरले १८ रनको योगदान दिए। अन्य ब्याटरले दोहोरो अंकसम्म रन बनाउन सकेनन्।
बलिङमा काठमाण्डुका रसिद खानले सर्वाधिक ३ विकेट लिए। कप्तान करण केसी, शाहव आलम र मिलिन्द कुमारले २–२ तथा सन्तोष यादवले एक विकेट लिए।
काठमाण्डुले पहिले ब्याटिङ गर्दै १४२ रन बनाएको थियो। जोन सिम्पसोनले २९ बलमा ६० रन बनाए, जसमा ३ चौका र ५ छक्का समावेश थियो। उनी र मिलिन्द कुमारले चौथो विकेटका लागि ९८ रनको साझेदारी गरेका थिए। मिलिन्दले ३८ रन बनाए।
चितवनका लागि शोहिल तन्विरले बलिङमा उत्कृष्ट प्रदर्शन गर्दै ४ विकेट लिए। रञ्जित कुमार र कमलसिंह ऐरीले २–२ विकेट लिए भने रवि बोपाराले १ विकेट लिए।
यस जितसँगै काठमाण्डु गोर्खाजले एनपीएल–२ मा तेस्रो जित हात पारेको छ भने चितवन राइनोजले तेस्रो हार बेहोरेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
