नेपाल प्रिमियर लिग (एनपीएल) मा कर्णाली याक्सले शक्तिशाली अन्तिम ओभरहरूका बलमा काठमान्डु गोर्खाजसँग १५० रनको लक्ष्य राख्दै प्रतिस्पर्धी खेल प्रस्तुत गरेको छ।
कीर्तिपुरस्थित टीयू अन्तर्राष्ट्रिय मैदानमा टस जितेर पहिले ब्याटिङ गरेको कर्णालीले निर्धारित २० ओभरमा ७ विकेट गुमाएर १४९ रन जोड्यो। शुरुवात कमजोर रहे पनि अन्त्यतिर गुल्सन झाको आक्रमक ब्याटिङले खेलको लय बदलिदियो।
सातौं नम्बरमा आएको उनले २२ बलमा ६ चौका र ३ छक्कासहित अविजित ४९ रन बनाउँदै कर्णालीलाई सम्मानजनक स्कोरमा पुर्याए। अर्धशतक नजिक पुगेका उनी स्ट्राइक नपाएकै कारण ५० रन पूरा गर्न सकेनन्।
पवन सराफले ३५ तथा मार्क वाटले ३० रन जोड्दै महत्वपूर्ण योगदान गरे। एकबेला १५ ओभरमा ९१/६ को अवस्थामा पुगेको कर्णालीले गुल्सन–दीपक डुम्रे जोडीको ५५ रनको साझेदारीपछि अन्तिम ५ ओभरमा ५८ रन थप्न सफल भयो।
बलिङतर्फ काठमान्डुका रासिद खानले २ विकेट लिए भने कप्तान करण केसी, मिलिन्द कुमार र सन्तोष यादवले १–१ विकेट हात पारेर दबाब बनाउन प्रयास गरे।
अहिले भईरहेको खेलमा काठमाडौ गोर्खाजले ५ अभोरमा १ विकेट गुमाउदै ४६ रन बनाईसकेको छ ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
