नेपाल प्रिमियर लिग (एनपिएल) मा आज लुम्बिनी लायन्स र विराटनगर किङ्सबीच महत्वपूर्ण खेल हुँदैछ। कीर्तिपुरस्थित त्रिभुवन विश्वविद्यालय अन्तरराष्ट्रिय क्रिकेट रङ्गशालामा खेल दिउँसो ४ बजे सुरु हुनेछ।
कप्तान सन्दीप लामिछाने नेतृत्वको विराटनगरले हालसम्म पाँच खेल खेल्दै आठ अंक जोडेर मजबुत स्थितिमा छ। विराटनगर प्लेअफको दावेदार टोलीमध्ये एक मानिन्छ।
यता रोहितकुमार पौडेलले कप्तानी सम्हालेको लुम्बिनी लायन्सले पाँच खेलमा दुई मात्र जित निकाल्दै दबाबमा छ। प्लेअफमा टिकी रहने सम्भावना जोगाउन लुम्बिनीका लागि आजको खेल अनिवार्य जितको रूपमा रहेको छ।
लिगको महत्वपूर्ण चरणमा प्रवेश गरिरहेकाले दुवै टोलीका लागि आजको भिडन्त निर्णायक बन्ने अनुमान गरिँदैछ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
