नेपाल प्रिमियर लिग (एनपीएल) अन्तर्गत आजको खेलमा सुदूरपश्चिम रोयल्सले विराटनगर किंग्सलाई १४८ रनको लक्ष्य दिएको छ।
त्रिवि अन्तर्राष्ट्रिय मैदानमा टस हारेर पहिले ब्याटिङमा उत्रिएको सुदूरपश्चिमले ६ विकेट गुमाउँदै १४७ रन बनायो। टोलीका लागि आरिफ शेखले अविजित ४५ रनको योगदान दिए। इसान पाण्डेले ३८, क्रिश ब्रोनले २४, कप्तान दीपेन्द्र सिंह ऐरीले १९, बिनोद भण्डारीले १५, दीपक बोहराले ३ र हर्मित सिंह शून्यमा आउट भए।
विराटनगरका लागि कप्तान सन्दीप लामिछानेले तीन विकेट लिए भने प्रतिश जीसीले दुई र बसिर अहमदले एक विकेट लिए।
सुदूरपश्चिम अपराजित रहेर छ खेलबाट १२ अंक जोडिसकेको छ र पहिलो क्वालिफायरमा स्थान सुनिश्चित गरेको छ। आठ अंकसहित प्लेअफमा सुरक्षित विराटनगरका लागि आजको जित आवश्यक छ। जित हात पार्न सके विराटनगर सुदूरपश्चिमसँगै पहिलो क्वालिफायर खेल्नेछ, नभए लुम्बिनी लायन्ससँग इलिमिनेटर खेल्नुपर्नेछ।
आजको खेलले प्लेअफको तालिका अझ रोमाञ्चक बनाउने संकेत दिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
