विश्व राजनीतिका चर्चित अनुहार र ग्लोबल पप संगीतकी सुपरस्टारबीचको सम्बन्धबारे चलेका चर्चाहरू अन्ततः सत्य भएको छ। क्यानडाका पूर्व प्रधानमन्त्री जस्टिन ट्रुडो र अमेरिकी गायिका केटी पेरीले आफ्नो प्रेम सम्बन्धलाई सामाजिक सञ्जालमार्फत आधिकारिक रूपमा सार्वजनिक गरेका छन्।
जापान भ्रमणका क्रममा पेरीले ट्रुडोसँगका नजिकिका तस्बिरहरू इन्स्टाग्राममा पोस्ट गरेपछि महिनौँदेखि चलिरहेको अनुमान पुष्टि भएको हो। तस्बिरमा उनीहरू हातमा हात हालेर बसेका, एकैछिन सँगै हाँसेका र जापानी सुसीको स्वाद लिँदै गरेको दृश्य देखिन्छ, जसले दुवैबीचको आत्मीयता झनै प्रष्ट बनाएको छ।
उनीहरूको यात्राले मात्र होइन, जापानका पूर्व प्रधानमन्त्री फुमिओ किशिदाले सामाजिक सञ्जाल ‘X’ मा दुवैको जोडीलाई सार्वजनिक रूपमा ‘साझेदार’ भनेर उल्लेख गरेपछि विषय थप चर्चामा आयो। किशिदाको पोस्टलाई ट्रुडोले पनि सेयर गर्दै भेटप्रति खुसी व्यक्त गरेका थिए।
दुवै आफू–आफ्नो पुरानो सम्बन्धबाट अलग भइसकेका छन् ट्रुडोले सन् २०२३ मा पत्नी सोफीसँग वैवाहिक सम्बन्ध अन्त्य गरेका थिए भने पेरी केही समयदेखि अभिनेता ओर्लान्डो ब्लुमबाट अलग भएकी थिइन्। अहिले उनीहरू खुला रूपमा साथसाथै हिँडिरहेको देखिनुमा दुवैको नयाँ जीवनको सुरुआतको संकेत देखिएको छ।
ट्रुडो–पेरीको प्रेम सम्बन्धले विश्वभरका प्रशंसक र चर्चित मिडियाको ध्यान शनिबारदेखि नै आकर्षित गरेको छ। उनीहरूको जापान भ्रमण र सार्वजनिक तस्बिरहरूले ग्लोबल स्टेजमा नयाँ ‘पावर कपल’ को रूपमा चर्चा बढाइरहेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
