नेपाली कम्युनिष्ट पार्टीका संयोजक पुष्पकमल दाहाल ‘प्रचण्ड’ ले सम्पूर्ण क्रान्तिकारी शक्तिलाई एकताबद्ध हुन अपील गरेका छन्। माओत्सेतुङको १३३औँ जन्मजयन्तीको अवसरमा शुभकामना सन्देश जारी गर्दै उनले मतभेदभन्दा माथि उठेर समाजवादी नेपालको लक्ष्यतर्फ अघि बढ्न आग्रह गरेका हुन्।
प्रचण्डले माओले देखाएको बाटो इतिहासमा मात्र सीमित नभई आज पनि राष्ट्रिय स्वाधीनताको रक्षा, उत्पीडित वर्गको मुक्ति र आत्मनिर्भर राष्ट्रिय अर्थतन्त्र निर्माणका लागि व्यवहारिक मार्गदर्शन भएको बताए।
उनले सामन्तवाद अन्त्यका लागि वैचारिक र व्यवहारिक सङ्घर्षको एक चरण पूरा भइसकेको उल्लेख गर्दै यसले कम्युनिष्ट आन्दोलनको वैचारिक स्पष्टता र संगठनात्मक क्षमतालाई बलियो बनाएको बताए।
मार्क्स, लेनिन, माओदेखि नेपाली क्रान्तिकारी अनुभवसम्मका योगदानलाई समेट्दै प्राप्त उपलब्धिहरूको रक्षा गर्दै समाजवादी क्रान्तिको बाटोमा दृढताका साथ अघि बढ्नुपर्ने दाहालको भनाइ छ।
उनले अवसरवाद, वैचारिक विचलन, आत्मसमर्पण र अराजकतावादजस्ता प्रवृत्तिविरुद्ध सशक्त वैचारिक र राजनीतिक सङ्घर्ष नगरेसम्म समाजवादी क्रान्ति सफल नहुने स्पष्ट पारे।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
