अभिनेत्री नीति शाह विवाह बन्धनमा बाँधिएकी छन्। उनले एरोस्पेस इन्जिनियर याञ्चित राणासँग विवाह गरेकी हुन्।
झम्सिखेलस्थित एक कार्यक्रम स्थलमा शुक्रबार परम्परागत विधिअनुसार वैवाहिक समारोह सम्पन्न भइरहेको छ। यसअघि गत वैशाखमा उनीहरूले काठमाडौँ जिल्ला अदालतमा कानुनी विवाह गरेका थिए।
दुवैजनाबीच करिब दुई वर्षदेखिको प्रेम सम्बन्धपछि विवाह भएको हो।
नीति ‘मिस नेपाल इन्टरनेसनल २०१७’ की विजेता हुन्। उनले खजुरे ब्रो बाट फिल्म अभिनयमा डेब्यु गरेकी थिइन्। त्यसपछि ज्वाइँ साब र नरसिंहा अवतार मा अभिनय गरिसकेकी छन्। उनी म्युजिक भिडियोमा पनि सक्रिय छिन्।
