१३ पटक पक्राउ परेका दुर्गा प्रसाईं आज थुनामुक्त भएका छन्। बन्दी प्रत्यक्षीकरणको रिटमा सर्वोच्च अदालतले उनलाई मंगलबार थुनामुक्त गर्ने आदेश दिएको थियो।
बाहिरिनासाथ प्रसाईंले युट्यूबमा भाषण गर्दै देश युक्रेनको बाटोमा गएको बताए। उनले भने, “यो चुनाव भएको दिनदेखि देश युक्रेनको बाटोमा गयो। मेरो आँखाबाट आँसु हत्तपत्ति झर्दैन।”
प्रसाईंले राजा पनि अब सडकमा उत्रन सक्ने बताएका छन् र सरकारलाई चुनौती दिंदै भने, “राजा बाटोमा निस्किँदाखेरि पनि मलाई थुन्न सक्दैनौ।”
उनले सामाजिक सञ्जालमा चर्चामा आएको कांग्रेस सभापति आरजु देउवा सँगको भेट पुरानो फोटो भएको स्पष्ट पार्दै भने, “भेट दुई वर्ष अघि भएको हो। मेरो हातमा देश आयो भने पहिला उनलाई नै ल्याएर थुन्छु। त्यसपछि केपी ओली, प्रचण्ड लगायतलाई पनि।”
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
