नेपाल नागरिक उड्डयन प्राधिकरणले प्रतिनिधिसभा सदस्यको निर्वाचनको दिन आन्तरिक हवाई उडान आवश्यकताका आधारमा सञ्चालन हुने जनाएको छ।
प्राधिकरणका अनुसार देशभरका सबै प्रकारका आन्तरिक उडान आवश्यकताअनुसार सञ्चालन गरिनेछन्। अन्तर्राष्ट्रिय उडानमध्ये मध्यपूर्वी गन्तव्यबाहेक अन्य उडान नियमित रूपमा सञ्चालन हुने स्पष्ट पारिएको छ।
मध्यपूर्वी गन्तव्यका उडान सम्बन्धित देशको निर्णय तथा उडान हुने विमानस्थलको अवस्थाका आधारमा वायुसेवा कम्पनीको संशोधित तालिकाअनुसार सञ्चालन हुने जनाइएको छ। मध्यपूर्व क्षेत्रमा विकसित परिस्थितिका कारण ती क्षेत्रका सबै उडान हालका लागि स्थगित हुँदै आएको प्राधिकरणले उल्लेख गरेको छ।
