डडेल्धुरामा प्रतिनिधिसभा निर्वाचनअन्तर्गत मतगणना सुरु भएको छ । परशुराम नगरपालिकाबाट मतगणना थालिएकोमा अहिलेसम्म १ हजार ३१२ मत गणना भएको छ ।
हालसम्मको मत परिणाम अनुसार राष्ट्रिय स्वतन्त्र पार्टी (रास्वपा) की तारा जोशीले अग्रता लिएकी छन् । उनले ४७८ मत प्राप्त गरेकी छन् ।
त्यस्तै नेपाली कम्युनिस्ट पार्टी (नेकपा) का मानसिंह मालले २९१ मत प्राप्त गरेका छन् भने नेपाली कांग्रेसका नैनसिंह महरले २७८ मत ल्याएका छन् । नेकपा एमालेका चक्र स्नेहीले १५३ मत प्राप्त गरेका छन् ।
डडेल्धुरा नेपाली कांग्रेसका निवर्तमान सभापति शेरबहादुर देउवाको गृहजिल्ला हो । यहाँ मतगणना जारी रहेको छ ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
